يآآقدر ليتك دقآآيق تنتظر

آآآه يالقدر اخذته قبل حتى لا اضمه ,,

حتى قبل لا اشمه وحتى قبل لا ابكيه وخليتني بوحدتي انوحه لين مل مني حتى انتظاره

تعبت انتظر طيفه يهل ويمر زوله تعبت حتى وانا اقول بس ابي ألمحه واشم عطر روحه

تعبت يا قدر من طول الغياب يا طوله ,, يا قدر من طول الانتظار تعبت لين تعبت مني التعب نفسه

آآآه يا وقتي يالي فات من دونه ,,

رحل قبل حتى لا اشوفه رحل ولا حتى اشوف ابتسامته رحل حتى ما ودعته رحل وما شفته

رحل وبقت عندي بقايا اغراضه رحل وخلى برقبتي عياله رحل وفقدت حسه وصوته وظله

رحل وبقالي الزمن والايام والليالي وحيده ,,, مالها عنوان غير الصمت والسكوت وخالي محله

آآآه يا يمه آآه لا دخلت من غيره ,,

شقول لا سألتيني عنه وش احكي واعتذر لغيابه يرد اليوم ولا باكر ولا بعد بكره

وش عاد ينفع عذري يا يمه اليوم بقول عذره وباكر بقول مدري عنه وبعد بكره بقولها الحقيقه

اقولها وش سبب غيابه ولا اقولها غيابه بالنهايه ,,, ولا اقولها هذا يومه بالبدايه هذا القدر ونصيبه

آآآه لا سألت نفسي عنه وين ابلقاه وين ابحصله ,,

قبل لا احط راسي على الوساده كنت دايم قبل لا انام احكيله عن يومي وكل تفاصيله

كان يبادلني الحوار ويناقش كلامي كله حتى لو كانت اصغرها صغيره حتى لو بحجم الذره

الحين لا بقيته وين ابشوفه ومنهو بحكيله ,,, ولمنهو بحط راسي على صدره واسولف له واشكيله

آآآه يا حظي وش هي النهايه وش اخر الحكايه ,,

فقدته وما عاد لي عزوه ولا حتى سند يمد ايده فقدته ولا عاد لي بهالدنيا قصه وحكايه

كنا مثل البرواز والصوره وش فايدة البرواز من غير صوره من غير برواز صوره برف كله غبره

كنا انا وياه مثل الشجره غصن وجذره ,,, الشجره لا ماتت الجذور وش فايده اغصانه